ព្រះសីហនុ៖ ករណីស្ត្រីមួយរូបទទួលមរណភាពក្រោយសម្រាលកូនខ្ចីនៅក្រុងព្រះសីហនុ ក្រោយសម្រាលកូន នៅមន្ទីរសម្រាកព្យាបាលឯកជនមួយក្នុងក្រុងព្រះសីហនុ។

យោងតាមប្រភពពីមន្ត្រីសុខាភិបាលខេត្តព្រះសីហនុ នៅថ្ងៃទី៧ ខែសីហា ឆ្នាំ២០២៣ បានឲ្យដឹងជាបឋមថា ដំបូងស្ត្រីរងគ្រោះចូលសម្រាលកូន នៅមន្ទីរសម្រាកព្យាបាលឯកជនឈ្មោះអន្តរជាតិក្នុងក្រុងព្រះសីហនុនៅយប់ថ្ងៃ៦ ខែសីហា ឆ្នាំ២០២៣។ ពេលសម្រាលនោះស្ត្រីរងគ្រោះមានអាការៈមិនស្រួលខ្លាំង ខាងគ្លីនិកក៏បញ្ជូនបន្តមករកការជួយសង្គ្រោះនៅមន្ទីរពេទ្យបង្អែកខេត្ត (ពេទ្យចំការចេក) ប៉ុន្តែមិនអាចជួយសង្គ្រោះបានឡើយ ចំណែកកូនប្រុសដែលសម្រាលនោះមិនមានគ្រោះថ្នាក់ទេ។

ស្ត្រីរងគ្រោះមានអាយុ ២៥ឆ្នាំ ធ្វើការនៅធនាគារឯកជនក្នុងក្រុងព្រះសីហនុ ខណៈនេះជាកូនដំបូង។ យ៉ាងណាមិញ ពុំទាន់ទទួលព័ត៌មាននេះពីក្រុមគ្រួសារសព ឬការបញ្ជាក់ពីមន្ត្រីជំនាញនៅឡើយទេ ថាតើស្ត្រីរងគ្រោះស្លាប់នៅពេទ្យឯកជនខាងលើ ឬស្លាប់ពេលរុញចេញពីពេទ្យបញ្ជូនទៅពេទ្យបង្អែកខេត្តព្រះសីហនុ។

ទន្ទឹមនោះ ការសង្ស័យពីពលរដ្ឋថាស្រ្តីរងគ្រោះទំនងជាស្លាប់ហើយ ទើបមិនអស់ចិត្ត ទើបបងប្អូនសម្រេចចិត្តបញ្ជូនបន្តទៅពេទ្យបង្អែកខេត្ត តែជាអកុសលស្ត្រីរូបនោះបានស្លាប់បាត់ទៅហើយ ។

ទោះជាយ៉ាងនេះក្តី មន្ត្រីជំនាញសុខាភិបាលខេត្តប្រាប់ថា ករណីនេះផ្នែកជំនាញកំពុងស្រាវបន្តតាមបច្ចេកទេស៕